بھارتی ٹیم کو گزشتہ روز فائنل میں آسٹریلیا کے ہاتھوں شکست کا سامنا کرنا پڑا جس پر بھارت کی پوری ٹیم کافی افسردہ دکھائی دی جبکہ کچھ کھلاڑی تو گراونڈ میں ہی رونے لگے تاہم بھارتی وزیراعظم نریندرمودی نے ڈریسنگ میں کھلاڑیوں سے ملاقات کی اور ان کی حوصلہ افزائی بھی کی ۔
ورلڈکپ کے فائنل میچ میں نریندر مودی نے بحثییت مہمان خصوصی شرکت کی ، انہوں نے میچ بھی دیکھا ، میچ کے دوران جب سب تماشائی بھارت کو شکست کھاتے ہوئے دیکھ کر خاموش تھے تب نریندر مودی کی ہنسے کی تصاویر نے پور امنظر نامہ ہی تبدیل کر دیا تاہم ورلڈکپ کی اختتامی تقریب کے بعد بھارتی وزیراعظم نے پوری بھارتی ٹیم سے ڈریسنگ روم میں ملاقات کی جہاں بہترین کھیلنے پر ان کی حوصلہ افزائی بھی کی ۔
Unfortunately yesterday was not our day. I would like to thank all Indians for supporting our team and me throughout the tournament. Thankful to PM @narendramodi for specially coming to the dressing room and raising our spirits. We will bounce back! pic.twitter.com/Aev27mzni5
— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) November 20, 2023
بھارتی ٹیم کے فاسٹ باولر محمد شامی نے ٹویٹر پر بیان جاری کرتے ہوئے اپنی نریندرمودی کے ساتھ تصویر شیئر کی جس میں بھارتی وزیراعظم نے محمد شامی کو گلے لگایا ہوا تھا ۔ اس کے ساتھ درج پیغام میں محمد شامی کا کہناتھا کہ "بدقسمتی سے کل کا دن ہمارا نہیں تھا، میں تمام بھارتی مداحوں کا شکریہ ادا کرتاہوں کیونکہ جس طرح انہوں نے ہمیں سپورٹ کیا وہ قابل تحسین ہے ، وزیراعظم نریندرمودی کا بھی شکریہ ادا کرتاہوں کہ وہ خصوصی طور پر ڈریسنگ روم میں آئے اور ہماری حوصلہ افزائی کی ، ہم دوبارہ واپس لوٹیں گے ۔"
