وزیراعظم شہباز شریف نے طلبا کیلئے مفت لیپ ٹاپ اسکیم کا افتتاح کر دیا اور تقریب سے خطاب کرتے ہوئے کہا کہ ایک لاکھ لیپ ٹاپس میرٹ پر دیئے جائیں گے ، اے آئی کے میدان میں ہمیں بہت آگے جانا ہے۔
تفصیلات کے مطابق شہبازشریف نے خطاب کرتے ہوئے کہا کہ سعودی عرب نےاے آئی اورآئی ٹی میں پاکستانی نوجوانوں کوتعلیم دینےکی پیشکش کی ہے،پاکستان سے لاکھوں طلبا تربیت کیلئے بھیجے جائیں گے،سعودی عرب نے اے آئی میں پاکستانی افرادی قوت کو بڑے مواقع دینے کی بھی پیشکش کی، ویژن ٹوینٹی تھرٹی اور فیفا ورلڈ کپ کیلئے تربیت یافتہ پاکستانی افرادی قوت بھی سعودی عرب جائے گی ۔
وزیراعظم نے کہا ملک کے ہونہارطلبا کو قوم کا سلام ، خوشی ہے کہ قوم کے معماروں کے سامنے کھڑا ہوں ، جدت کے میدانوں میں نوجوان نسل کیلئے تمام وسائل بروئے کار لانے کا عزم ہے ، برادر ملک سعودی عرب پاکستان سے تعاون میں پیش پیش ہے ۔۔
وزیراعظم نے ملک و قوم کیلئے شہدا کی قربانیاں قابل قدر قرار دیتے ہوئے پیغام دیا کہ نوجوانوں نے ملک کو قائد و اقبال کا پاکستان اور عظیم ملک بنانا ہے،
