انسٹی ٹیوٹ فارپبلک اوپینین ریسرچ نے سفارتی و سلامتی امور پر تازہ سروے جاری کر دیاہے ، جس کے مطابق 79 فیصد پاکستانی پاک سعودی عرب دفاعی معاہدےکےحامی ہیں، 66 فیصد پاکستانیوں نے معاہدے کی مضبوط حمایت کا اظہار کیا۔
آئی پی اوآرسروے کے مطابق 73 فیصد افراد کےمطابق پاک فوج اور موجودہ حکومت پر اعتماد میں اضافہ ہوا،80 فیصد پاکستانیوں کے مطابق پاکستان کی عالمی ساکھ میں بہتری آئی، 51 فیصد نے عالمی امیج ’’بہت زیادہ‘‘ 29 فیصد نے ’’کچھ حد تک‘‘بہتر ہونے کی رائے دی ۔
51 فیصد عوام نے وزیرِاعظم کو’’محافظ الحرمین الشریفین‘‘جیسے اعزازی لقب سے نوازنے کی حمایت کی جبکہ 29 فیصد عوام نے معاہدے کو مسلم اُمہ کے اتحاد کی سمت مثبت قدم قرار دیا، 17 فیصد نے اسے دفاعی اور اقتصادی فوائد کے لحاظ سے اہم قرار دیا۔
پاک افغان سرحدی جھڑپوں پر 71 فیصد عوام نے افغان طالبان کو ذمہ دار ٹھہرایا، 75 فیصد عوام نے حکومت کے ردِعمل کو مناسب اور متوازن قرار دیا، وزیراعظم اور فیلڈ مارشل کے امریکی دورے کو 43 فیصد عوام نے مثبت قرار دیا، صرف 10 فیصد نے امریکی دورے پر منفی رائے دی۔
