پنجاب میں بلدیاتی انتخابات کے التواء کے معاملے پر الیکشن کمیشن نے پنجاب حکومت کو نئی حلقہ بندیوں کے لیے چار ہفتوں کا وقت دے دیا۔ الیکشن کمیشن نے پنجاب بلدیاتی انتخابات سے متعلق حکمنامہ جاری کردیا۔
تفصیلات کے مطابق الیکشن کمیشن کے حکم نامے کے متعلق پنجاب حکومت نے نئے قانون کے تحت حدود کا تعین کرنا ہے، پنجاب حکومت نے حلقوں کی حدود بندی کیلئے چار ہفتوں کاوقت مانگا، الیکشن کمیشن کے مطابق نئے ایکٹ کی منظوری کے بعد حدبندی قانونی تقاضہ ہے۔سیکرٹری الیکشن کمیشن کی جانب سے چیف سیکرٹری پنجاب کے نام مراسلے میں کہا گیا ہے کہ پنجاب حکومت کی استدعا پر چار ہفتوں کا وقت دیاگیا۔اگر پنجاب حکومت نے چار ہفتوں میں کام نہ کیا تو معاملہ کمیشن دیکھے گا۔چار ہفتوں بعد معاملہ کمیشن کے سامنے سماعت کیلئے مقرر ہوگا۔سیکرٹری الیکشن کمیشن کے مراسلے کے مطابق خط میں پنجاب حکومت کو ضروری ڈیٹا اور نقشے الیکشن کمیشن کو فراہم کرنے کی ہدایت کی گئی ہے۔ مزید کہا گیا کہ بلدیاتی انتخابات پنجاب لوکل گورنمنٹ ایکٹ دوہزارپچیس کے تحت ہوں گے۔الیکشن کمیشن نے نو اکتوبر کا جاری کردہ حلقہ بندی شیڈول واپس لے لیا۔
