راولپنڈی میں قومی کرکٹ ٹیم کے ہیڈ کوچ اظہر محمود نے میڈیا سے گفتگو کرتے ہوئے کہا کہ شاہین شاہ آفریدی بہترین گیندباز ہیں، کل پچ دیکھنے کے بعد حتمی پلیئنگ الیون کا فیصلہ کیا جائے گا۔
ہیڈ کوچ کا کہنا تھا کہ ہم نے سیریز سے قبل ایک کیمپ لگایاتھا، کیمپ کا مقصد اسپن وکٹ پر بلے بازوں کی کارکردگی بہتر بنانا تھا، ٹاپ آرڈر بیٹسمینوں نے اچھی کارکردگی دکھائی تھی، ہم نےورلڈ ٹیسٹ چیمپئن شپ کے 6 میچز پاکستان میں کھیلنےہیں، ہم نے پوری پلاننگ کی ہے،ورلڈ ٹیسٹ چیمپئن شپ جیتنی ہے، لڑکوں کا مورال بلند ہے ہرمیچ فائنل سمجھ کر کھیلنا ہے، میں اپنے مستقبل کے حوالے سے نہیں سوچ رہا ، میرا فوکس کل کے میچ پر ہے،ہوم گراؤنڈ پر کھیلتے ہیں تو کوشش ہوتی ہے اپنی کنڈیشنز کا فائدہ اٹھائیں ، ہم کیسے20 وکٹیں لے سکتے ہیں اس حساب سے پلان بنانا ہوتا ہے۔
