منشیات کے خلاف حکومتی کریک ڈاؤن کا سلسلہ جاری ہے۔
،5 تا 12 نومبر کے اعدادوشمار کےمطابق ملک بھر میں3143 کلو منشیات ضبط، 34 سے زائد گرفتاریاں کی گئیں۔آپریشن کے دوران خیبر پختونخواہ، بلوچستان اور سندھ سے 2644 کلو منشیات ضبط کرلی گئی۔
کریک ڈاؤن کے دوران پنجاب اور خیبر پختونخواہ سے 234 کلو، گلگت سے 117 کلو اور بلوچستان سے 1740 کلو چرس برآمد کی گئی۔
بلوچستان سے 28 کلو میتھ اور 25 کلو ہیروئن برآمد ہوئی،ملک بھر سے 5 تا 12 نومبر کے دوران 2091 کلو چرس اور 240 کلو افیم برآمد کی گئی۔
یکم ستمبر سے اب تک کریک ڈاؤن کے دوران ملک بھر سے 33924 کلو منشیات برآمد اور 435 سے زائد مجرمان گرفتار کیے جاچکے ہیں۔
