قومی کرکٹ ٹیم کے ہیڈ کوچ مائک ہیسن نے بھارت کے خلاف ایشیا کپ کے فائنل سے قبل ٹیم کے لیے حوصلہ افزا پیغام جاری کردیا۔
مائک ہیسن نے سوشل میڈیا پر اپنے پیغام میں کہا کہ 41 سال بعد پاکستان اور بھارت ایشیا کپ کے فائنل میں آمنے سامنے ہیں، آج کا میچ ایک شاندار مقابلہ ثابت ہوگا۔
ہیڈ کوچ نے ٹیم کی کارکردگی کو سراہتے ہوئے کہا کہ ایشیا کپ کے دوران ٹیم کے جذبے پر فخر ہے، ہم شاید بہترین ٹیم نہیں تھے لیکن ہم نے کبھی ہار نہیں مانی۔
آج پاکستان اور بھارت کے درمیان فائنل ایونٹ کا سب سے بڑا مقابلہ ہوگا، جس میں دونوں ٹیمیں ٹرافی کے لیے بھرپور تیاری کے ساتھ میدان میں اتریں گی۔
