کراچی میں سپر ہائی وے سے 3 خواجہ سرائوں کی لاشیں ملی ہیں۔
پولیس کے مطابق سپر ہائی وے کے قریب ملنے والی 3 خواجہ سراوں کی لاشوں کو اسپتال منتقل کردیا گیا۔ دوخواجہ سراؤں کو سینے پر اور ایک کو سر پر گولی مار کر قتل کیاگیا۔
ایس ایس پی ملیر عبدالخالق پیرزادہ کا کہنا ہے کہ وقوعہ سے پرس ملاہے،ٹیشوپیپرز اور دیگرسامان ملاہے، مرنے والے خواجہ سراؤں کی شناخت تاحال نہیں ہوسکی۔
وزیراعلیٰ سندھ نے میمن گوٹھ میں 3 خواجہ سرائوں کے قتل کا نوٹس لے لیا۔ مراد علی شاہ نے آئی جی پولیس کوقاتلوں کی فوری گرفتاری کے احکامات جاری کردیئے۔ متعلقہ حکام کو ہدایت کی خواجہ سراؤں کے قاتلوں کو ہرصورت گرفتار کرکے مجھے رپورٹ پیش کی جائے۔
