گوگل میپس نے ایپلیکیشن میں نئے کار آمد فیچر کا اضافہ کردیا، جس سے لوگوں کو راستہ سمجھنے اور منزل تک پہنچنے میں آسانی ہوگی۔
دنیا بھر میں گوگل میپس کئی لوگوں کی زندگی کا لازمی حصہ بن چکا ہے، اب گوگل نے ایک نیا نیوی گیشن ٹول اینڈرائیڈ 16 آپریٹنگ سسٹم میں شامل کردیا ہے، جو پہلے سے زیادہ زیادہ کارآمد بننے والا ہے۔
نئے اینڈرائیڈ آپریٹنگ سسٹم میں گوگل میپس ایک نئے فیچر لائیو اپ ڈیٹس سے لیس ہوگا، لائیو اپ ڈیٹس گوگل میپس میں نئے قسم کا نوٹیفکیشن ہے جسے مخصوص حالات میں استعمال کیا جاسکے گا۔
رپورٹ کے مطابق نئے فیچر کے ذریعے آپ فلائٹ ٹریکنگ، ڈیلیوری ٹریکنگ یا نیوی گیشن کررہے ہیں تو پھر اس فیچر سے فائدہ اٹھاسکتے ہیں۔
رپورٹ میں بتایا گیا ہے کہ یہ فیچر گوگل میپس کے دیگر فیچرز یا نوٹیفکیشنز سے بالکل مختلف ہے، اس کی وجہ یہ ہے کہ یہ لائیو اپ ڈیٹ مسلسل اسکرین پر نظر آئے گی اور گوگل میپس سے باہر نکلنے پر بھی یہ فیچر کام کرتا رہے گا، یعنی لاک اسکرین پر بھی آپ اس نیوی گیشن نوٹیفکیشن کو دیکھ سکیں گے۔
رپورٹ کے مطابق نئے فیچر سے آپ ایک نظر میں دیکھ سکیں گے کہ سفر کتنا باقی رہ گیا ہے یا کوئی اور ٹاسک کیسے چل رہا ہے، اس فیچر کا اشارہ گوگل کی جانب سے کافی عرصے سے دیا جارہا تھا مگر اب جاکر اسے متعارف کرایا گیا ہے۔
اینڈرائیڈ اتھارٹی کی ایک رپورٹ میں بتایا گیا کہ اس فیچر سے صارف کو منزل کی تلاش میں بہت زیادہ مدد ملے گی۔
ابھی یہ فیچر اینڈرائیڈ 16 کے (بیٹا) ورژن میں دیا گیا ہے تاہم امید ہے کہ جلد ہی تمام اینڈرائیڈ صارفین اس سے استفادہ حاصل کرسکیں گے۔
