اسمگلنگ اور غیر قانونی پیٹرول پمپس کیخلاف اقدامات مزید سخت ہوگئے، صدر مملکت آصف علی زرداری نے پیٹرولیم ترمیمی بل 2025ء کی منظوری دے دی۔
پیٹرولیم ترمیمی بل 2025ء کی منظوری کے ساتھ ہی ڈپٹی کمشنرز، اسسٹنٹ کمشنرز اور کسٹمز حکام کو ضبطی کے اختیارات مل گئے۔
قانون کے تحت پیٹرولیم مصنوعات کی آئی ٹی بیسڈ ٹریکنگ متعارف کرائی گئی ہے، قانون کی خلاف ورزیوں پر سزائیں سخت اور جرمانے بھی بڑھا دیئے گئے، اسمگلنگ اور ٹیکس چوری کیخلاف سرکاری اقدامات مزید مؤثر ہوں گے۔
یہ قانون پیٹرولیم شعبے کی ریگولیشن کو جدید اور شفافیت بڑھانے میں معاون ہوگا۔
واضح رہے کہ قومی اسمبلی اور سینیٹ سے منظوری کے بعد بل منظوری کیلئے صدر مملکت آصف زرداری کو بھیجا گیا تھا۔
