یوٹیوبر سعد الرحمان عرف ڈکی بھائی نے جوڈیشل مجسٹریٹ کی جانب سے جسمانی ریمانڈ منظور کرنے کیخلاف سیشن کورٹ لاہور میں اپیل دائر کردی۔
لاہور کی سیشن کورٹ میں یوٹیوبر سعد الرحمان عرف ڈکی بھائی نے جوڈیشل مجسٹریٹ کی جانب سے جسمانی ریمانڈ منظور کرنے کیخلاف اپیل دائر کردی، اپیل چوہدری عثمان علی ایڈووکیٹ کی وساطت سے دائر کی گئی ہے۔
سیشن کورٹ نے ڈکی بھائی کی اپیل سماعت کیلئے منظور کرلی، عدالت نے این سی سی آئی اے کو نوٹس جاری کرتے ہوئے یکم ستمبر تک تحریری جواب طلب کرلیا۔
ڈکی بھائی کی جانب سے دائر اپیل میں مؤقف اختیار کیا گیا ہے کہ جوڈیشل مجسٹریٹ نے حقائق کا درست جائزہ لیے بغیر 4 روزہ جسمانی ریمانڈ منظور کرلیا، عدالت جسمانی ریمانڈ کالعدم قرار دے۔
دوسری جانب آن لائن جوا، گیمنگ، فاریکس ایپ کے فروغ کے معاملے میں نیشنل سائبر کرائم ایجنسی میں سعد الرحمان عرف ڈکی بھائی کیخلاف باقاعدہ تحقیقات شروع کردی گئی ہیں۔
