پنجاب کے مختلف اضلاع میں سیلابی صورتحال کے پیش نظر وزیراعلیٰ پنجاب مریم نواز نے بروقت امدادی کارروائیاں یقینی بنانے کیلئے وزرا کو فیلڈ میں جانے کی ہدایت کردی۔
مریم نواز نے پنجاب کابینہ کے 12 وزرا کی مختلف اضلاع میں ڈیوٹیاں لگادیں۔ وزیرخزانہ پنجاب مجتبی شجاع الرحمان کو لاہور اور شیخوپورہ کے دورے کرنے کی ہدایت کردی۔
بلال یسین کو ننکانہ صاحب اور قصور، خواجہ عمران نذیر فیصل آباد ڈویژن کی نگرانی کریں گے، شافع حسین کو گجرات، کاظم علی پیرزادہ کو بہاولپور کے دورے کی ہدایت کردی گئی۔
شیرعلی گورچانی کو ڈی جی خان، عاشق کرمانی کو ساہیوال ڈویژن پہنچنے کی ہدایت، ذیشان رفیق اور رمیش سنگھ اروڑا کو گوجرانوالہ ڈویژن کی انتظامیہ کی نگرانی کریں گے۔
صہیب بھرتھ کو سرگودھا، رانا سکندر حیات کو ملتان، بلال اکبر خان منڈی بہاالدین، حافظہ آباد کے دورے کریں گے، تمام وزرا کو فوری علاقوں کے دورے، مقامی انتظامیہ کے ساتھ فلڈ ریسپانس میں کام کرنے کی ہدایت کی گئی۔
