نائب وزیراعظم و وزیر خارجہ اسحاق ڈار دو روزہ سرکاری دورے پر بنگلادیش پہنچ گئے۔
ڈھاکا کے حضرت شاہ جلال انٹرنیشنل ایئرپورٹ پر بنگلادیش کے سیکرٹری خارجہ اسد عالم سیام ، پاکستانی ہائی کمشنر عمران حیدر، پاکستان میں بنگلا دیش کے ہائی کمشنر محمد اقبال خان اور دیگر اعلیٰ حکام نے نائب وزیر اعظم اسحاق ڈار کا استقبال کیا۔
Deputy Prime Minister / Foreign Minister, Senator Mohammad Ishaq Dar @MIshaqDar50, reached Dhaka on an official visit. He was received at the airport by Ambassador Asad Alam Siam, Foreign Secretary of Bangladesh, along side Pakistan’s High Commissioner to Bangladesh, Mr. Imran… pic.twitter.com/96oZ2Hhi9c
— Ministry of Foreign Affairs - Pakistan (@ForeignOfficePk) August 23, 2025
اسحاق ڈار کی جماعت اسلامی بنگلہ دیش کے وفد سے ملاقات ہوئی جبکہ وفد کی قیادت جماعت اسلامی کے نائب امیر ڈاکٹر عبداللہ طاہر کر رہے تھے۔
As part of Deputy Prime Minister and Foreign Minister’s interaction with different political stakeholders , Senator Mohammad Ishaq Dar @MIshaqDar50, held a meeting with a delegation of Bangladesh Jamaat-e-Islami. The delegation was led by Dr. Syed Abdullah Mohammed Taher, Naib… pic.twitter.com/bI9hUedtnr
— Ministry of Foreign Affairs - Pakistan (@ForeignOfficePk) August 23, 2025
پاک، بنگلہ دیش تعلقات مضبوط بنانے اور خطے کی حالیہ پیش رفت پر تبادلہ خیال کیا گیا۔
اسحاق ڈار نے مشکلات میں جماعت اسلامی کے رہنماؤں اور کارکنوں کی ہمت کو سراہا۔
نائب وزیراعظم اسحاق ڈار نے بنگلہ دیش کی نیشنل سٹیزن پارٹی کے وفد سے بھی ملاقات کی جس کی قیادت پارٹی کے سیکریٹری اختر حسین کر رہے تھے۔
Deputy Prime Minister / Foreign Minister, Senator Mohammad Ishaq Dar @MIshaqDar50,
— Ministry of Foreign Affairs - Pakistan (@ForeignOfficePk) August 23, 2025
received a delegation of National Citizen Party (NCP), led by Mr Akhtar Hossain. During the discussion, DPM/FM appreciated the NCP leadership’s vision for reform and social justice. He emphasised… pic.twitter.com/Bg5VjtXhbf
اسحاق ڈار بنگلا دیش کے چیف ایڈوائزر پروفیسر محمد یونس، مشیر خارجہ محمد توحید حسین اور دیگر حکام سے بھی اہم ملاقاتیں کریں گے جن میں دوطرفہ تعلقات اور علاقائی و عالمی امور زیر بحث آئیں گے۔
دورے کے دوران دونوں ممالک دو طرفہ تعاون بڑھانے کے لیے متعدد مفاہمت کی یادداشتوں پر دستخط بھی کریں گے۔
ترجمان دفتر خارجہ کے مطابق اسحاق ڈار بنگلادیشی حکومت کی دعوت پر ڈھاکا گئے ہیں اور یہ دورہ پاکستان اور بنگلادیش کے تعلقات میں ایک اہم سنگ میل ہوگا۔
