پاکستانی معیشت کیلئے بڑی خوشخبری آگئی ہے کیونکہ ایشیائی ترقیاتی بینک ریکوڈک منصوبے کیلئے 41 کروڑ ڈالر فراہم کرے گا اور اے ڈی بی کی جانب سے بورڈ کی منظوری کے بعد مالی پیکج کا اعلان جلد متوقع ہے ۔
ذرائع کے مطابق ریکوڈک کان کنی منصوبے کیلئے 30 کروڑ ڈالر قرضہ شامل ہے، منصوبے کیلئے 11 کروڑ ڈالر کی فنانسنگ گارنٹی بھی فراہم کی جائے گی، صوبہ بلوچستان میں ریکوڈک منصوبے کی مالیت 6.6 ارب ڈالر ہے، یہ منصوبہ بیرک گولڈ کمپنی اور حکومت پاکستان کا مشترکہ منصوبہ ہے، بیرک گولڈ کا شیئر 50 فیصد، وفاقی اور بلوچستان حکومت کا بقیہ 50فیصد ہے، ریکوڈک منصوبے کے تحت سال 2028 ءسے سونے اور تانبے کی پیداوار شروع کرنے کا ہدف ہے۔
اس منصوبے سے 37 سال میں 70 ارب ڈالر تک آمدن متوقع ہے ، پہلے مرحلے میں سالانہ 2 لاکھ ٹن تانبا نکالا جائے گا، منصوبے میں توسیع کے بعد تانبے کی پیداوار 4 لاکھ ٹن ہو جائے گی، منصوبے کیلئے انٹرنیشنل فنانس کارپوریشن 70 کروڑ ڈالر کی فنڈنگ کا وعدہ کر چکا ہے، منصوبے میں مزید سرمایہ کاری کیلئے امریکا،کینیڈا اور جاپان کے مالیاتی اداروں سے بات چیت جاری ہے ۔
