وزیر مملکت داخلہ طلال چوہدری نے بلوچستان لبریشن آرمی ( بی ایل اے ) اور دیگر تنظیموں پر پابندی کو سفارتی کامیابی قرار دے دیا۔
سماء سے خصوصی گفتگو کرتے ہوئے وزیر مملکت داخلہ طلال چوہدری نے کا کہنا تھا کہ بی ایل اے اور دیگر تنظیموں پر پابندی سفارتی کامیابی ہے اور دفاع ہو یا ٹیرف کا معاملہ، پاکستان کو قلیل وقت میں بڑی کامیابیاں ملی ہیں۔
لازمی پڑھیں۔ امریکہ نے بی ایل اے کے ذیلی گروپ مجید بریگیڈ کو غیر ملکی دہشت گرد تنظیم قرار دے دیا
وزیر مملکت کا کہنا تھا کہ بھارتی جاسوس کلبھوشن یادیو سے لے کر جعفر ایکسپریس تک فراہم کردہ ثبوتوں کی بنا پر پابندیاں لگیں اور یہ دراصل فتنہتہ الہندوستان کی پراکسیز ہیں جن پر پابندی لگی ہے۔
لازمی پڑھیں۔ بی ایل اے اور مجید بریگیڈ پر امریکی پابندی خوش آئند ہے، بلاول بھٹو
طلال چوہدری کا کہنا تھا کہ پاکستان کا بیانیہ پوری دنیا نے تسلیم کر لیا ہے اور بھارت کو جنگ کے بعد ایک بار پھر شکست ہوئی اور منہ کی کھانا پڑی ہے۔
ان کا کہنا تھا کہ اس معاملے میں وزیراعظم شہبازشریف اور فیلڈ مارشل کا بڑا کردا رہے اور جنرل عاصم منیر کے امریکا کے دو دورے کامیاب رہے۔
لازمی پڑھیں۔ پاکستان کا امریکا کی جانب سے مجید بریگیڈ کوغیرملکی دہشتگرد تنظیم قرار دینے کا خیرمقدم
انہوں نے کہا کہ ڈپٹی وزیر اعظم اسحاق ڈار کے امریکی حکام سے رابطے بھی کامیاب رہے۔
ان کا مزید کہنا تھا کہ وزیراعظم کی ٹیم نے ناصرف امریکا کے ساتھ تعلقات بحال کئے بلکہ نئی بلندی پر لے گئے۔
