مقامی اور عالمی سطح پر سونے کی قیمت میں مسلسل تیسرے روز کمی ہوگئی، فی تولہ سونا 500 روپے اور فی اونس 5 ڈالر سستا ہوگیا۔
آل پاکستان صراف اینڈ جیولرز ایسوسی ایشن سے جاری اعداد و شمار کے مطابق مقامی و عالمی مارکیٹ میں سونے کی قیمت میں مسلسل تیسرے روز کمی ہوگئی۔
رپورٹ کے مطابق ملک بھر میں فی تولہ سونا 500 روپے کی کمی سے 3 لاکھ 58 ہزار 300 روپے اور دس گرام 429 روپے سستا ہوکر 3 لاکھ 7 ہزار 184 روپے کا ہوگیا۔
اعداد و شمار کے مطابق عالمی مارکیٹ میں 5 ڈالر کی کمی سے فی اونس سونا 3356 ڈالر پر آگیا۔
صراف ایسوسی ایشن کے مطابق پاکستان اور عالمی مارکیٹ میں چاندی کے نرخ برقرار ہیں۔
واضح رہے کہ تین روز کے دوران ملک بھر میں سونے کی فی تولہ قیمت میں 4400 روپے اور عالمی سطح پر 44 ڈالر کی کمی ہوگئی۔
