کراچی میں جرمن قونصل خانے نے غیر یورپی شہریوں کے لیے ویزا سروسز بحال کر دیں۔
قونصل خانے کی جانب سے ایکس پر جاری کردہ ایک پیغام میں کہا گیا کہ غیر یورپی شہریوں کے لیے ویزا سروسز دوبارہ شروع کر دی گئی ہیں۔
📣 Important Update! #GermanyConsulateKarachi #DiplomaticServices #VisaServices #VisaUpdate pic.twitter.com/SoGq93PFp7
— German Consulate General Karachi (@GermanyinKHI) August 4, 2025
قونصل خانے کے مطابق ویزا سروسز اب معمول کے مطابق جاری رہیں گی اور غیر یورپی شہری بھی اپنی درخواستیں جمع کروا سکتے ہیں۔
یاد رہے کہ سکیورٹی خدشات کے باعث کراچی میں قائم جرمن قونصل خانے کو غیر یورپی شہریوں کیلئے بند کردیا گیا تھا ۔
لازمی پڑھیں۔ کراچی میں قائم جرمن قونصل خانہ غیر یورپی شہریوں کیلئے بند
جرمن قونصل خانے کی جانب سے سوشل میڈیا پر جاری اعلامیے میں کہا گیا تھا کہ سیکورٹی وجوہات کی بناء پر آئندہ احکامات تک ویزا سروس معطل رہے گی۔
اعلامیے کے مطابق یورپین سیٹزن کے لئے سروس بحال رہے گی جبکہ جن پاکستانیوں کاویزا ایشو ہوچکا ہے وہ اپنا ویزا قونصل خانے سے حاصل کر سکتے ہیں۔
اعلامیہ میں مزید کہا گیا تھا کہ سیکیورٹی خدشات کی بنا پر جرمن قونصل خانہ غیریورپی شہریوں کیلئے بند رہے گا۔
