پنجاب کے کرائم کنٹرول ڈیپارٹمنٹ (سی سی ڈی) نے مبینہ پولیس مقابلوں کی انکوائریوں سے بچنے کے لیے پنجاب حکومت سے تحفظ مانگ لیا ہے۔
ذرائع کے مطابق سی سی ڈی نے وزیراعلیٰ پنجاب مریم نواز کو دی گئی بریفنگ میں انکوائریوں کو اپنے آپریشنز کے لیے حوصلہ شکنی کا باعث قرار دیا ہے۔
سی سی ڈی ذرائع کا کہنا ہے کہ انکوائریوں کی وجہ سے ڈیپارٹمنٹ کے آپریشنز متاثر ہو رہے ہیں۔
اس سلسلے میں دوران حراست ملزمان پر تشدد اور اموات کے واقعات سے متعلق انکوائریوں سے بچنے کے لیے نئی قانون سازی کی تجویز پیش کی گئی ہے۔
یاد رہے کہ لاہور ہائیکورٹ نے حال ہی میں سی سی ڈی کے مبینہ مقابلوں کے حوالے سے تشویش کا اظہار کیا تھا اور آئی جی پنجاب کو ان کا جائزہ لینے کی ہدایت کی تھی۔
