عالمی اور مقامی مارکیٹ میں سونے کی قیمت میں ایک بار پھر اضافہ ہوگیا، فی تولہ سونا 500 روپے اور فی اونس 5 ڈالر مہنگا ہوگیا۔
آل پاکستان صراف اینڈ جیولرز ایسوسی ایشن جاری اعداد و شمار کے مطابق عالمی مارکیٹ میں سونے کی فی اونس قیمت 5 ڈالر اضافے سے 3 ہزار 368 ڈالر تک پہنچ گئی۔
رپورٹ کے مطابق پاکستان میں 24 قیراط فی تولہ سونا 500 روپے مہنگا ہوکر 3 لاکھ 59 ہزار 500 روپے اور دس گرام 429 روپے بڑھ کر 3 لاکھ 8 ہزار 213 روپے ہوگئی۔
اعداد و شمار کے مطابق پاکستان میں فی تولہ چاندی 3953 روپے اور عالمی مارکیٹ میں فی اونس نرخ 37.20 ڈالر پر برقرار ہیں۔
واضح رہے کہ گزشتہ روز سونے کی قیمت میں 6100 روپے اور عالمی مارکیٹ می فی اونس 61 ڈالر اضافہ ہوا تھا۔
