چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے مصر کے سرکاری دورے کے دوران صدر عبدالفتاح السیسی سے ملاقات کی ہے۔
پاک فوج کے شعبہ تعلقات عامہ ( آئی ایس پی آر ) کی جانب سے جاری کردہ بیان کے مطابق جنرل ساحر نے مصری مسلح افواج کے کمانڈر ان چیف ایڈمرل اسامہ منیر محمد ربیع، وزیر دفاع کمانڈر جنرل عبدالمجید احمد عبدالمجید صقر، چیئرمین سویز کینال اتھارٹی اور الازہر کے امام پروفیسر ڈاکٹر احمد محمد احمد الطیب سے بھی الگ الگ ملاقاتیں کیں۔
ملاقاتوں میں دوطرفہ فوجی تعاون، سیکیورٹی، انسداد دہشت گردی اور موجودہ علاقائی صورتحال پر تبادلہ خیال کیا گیا۔
فریقین نے تربیت، مشترکہ فوجی مشقوں اور دفاعی تعاون کو وسعت دین ے میں مشترکہ دلچسپی پر زور دیا۔
جنرل ساحر نے دہشت گردی سے نمٹنے کے لیے بین المذاہب ہم آہنگی کی اہمیت پر بھی روشنی ڈالی۔
مصری قیادت نے پاکستان کی مسلح افواج کی پیشہ ورانہ مہارت کی تعریف کی اور دہشت گردی کے خلاف جنگ میں پاکستان کی قربانیوں کا اعتراف کیا۔
وزارت دفاع آمد پر جنرل ساحر کو مصری مسلح افواج نے سلامی پیش کی۔
