جرگے کے فیصلے پر غیرت کے نام پر شادی شدہ خاتون کے قتل کیس میں اہم پیشرفت ہوئی ہے ، راولپنڈی کی مقامی عدالت نے گرفتار گورکن اور سیکرٹری قبرستان کمیٹی کو 14 روزہ جوڈیشل ریمانڈ پر جیل بھجوا دیا جبکہ رکشہ ڈرائیور کے جسمانی ریمانڈ میں تین دن کی توسیع کر دی گئی۔
مقدمے میں گرفتار تین ملزمان کو سول جج قمر عباس تارڑ کی عدالت میں پیش کیا گیا۔ عدالت نے گورکن راشد محمود اور سیکرٹری قبرستان کمیٹی سیف الرحمن کا چودہ روزہ جوڈیشل ریمانڈ منظور کر لیا۔ عدالت نے دونوں ملزمان کو 12 اگست کو دوبارہ پیش کرنے کا حکم دیا ہے۔ جبکہ رکشہ ڈرائیور خیال محمد کے جسمانی ریمانڈ میں 3 دن کی توسیع کر دی گئی۔
