لاہور میں جاپانی خاتون سے فراڈ کرنیوالے 2 ملزمان کو پولیس نے گلبرگ کے علاقے سے گرفتار کرلیا، ملزمان کے قبضے سے ہتھیائی ہوئی رقم بھی برآمد کرلی گئی۔
پولیس کے مطابق جاپانی خاتون نے قیمتی پتھر خریدنے کیلئے 12 لاکھ روپے کی نقد رقم دانیال اور قاسم نامی شخص کو دی، ملزمان پتھر دلوانے کی بجائے جاپانی خاتون کو ٹال مٹول کرتے رہے اور رقم لیکر فرار ہوگئے۔
اے ایس پی گلبرگ سیدہ شہر بانو کے مطابق پولیس نے متاثرہ خاتون کی درخواست پر مقدمہ درج کرکے ملزم قاسم اور دانیال کو سیف سٹی کیمروں کی مدد سے 6 گھنٹوں میں گرفتار کرلیا۔
پولیس کا کہنا ہے کہ ملزمان کے قبضے سے 12 لاکھ روپے برآمد کرکے جاپانی خاتون کے حوالے کردیئے گئے جبکہ ملزمان سے مزید تفتیش جاری ہے۔
