عالمی اور مقامی مارکیٹ میں سونے کی قیمت میں کمی ہوگئی، فی اونس سونا 23 ڈالر اور فی تولہ 2300 روپے سستا ہوگیا۔
ڈالر کی قدر اور عالمی مارکیٹ میں قیمت گرنے سے پاکستان میں سونا مزید سستا ہوگیا۔
آل پاکستان صراف اینڈ جیولرز ایسوسی ایشن کے مطابق پاکستان میں فی تولہ سونا 2300 روپے سستا ہوکر 3 لاکھ 56 ہزار 700 روپے پر آگیا جبکہ دس گرام سونا 1972 روپے کمی سے 3 لاکھ 5 ہزار 812 روپے کا ہوگیا۔
رپورٹ کے مطابق عالمی مارکیٹ میں فی اونس نرخ 23 ڈالر کمی سے 3340 ڈالر پر آگئے۔
اعداد و شمار کے مطابق پاکستان میں چاندی کی قیمت 34 روپے کمی کے بعد 4023 روپے اور فی اونس 0.34 ڈالر سستی ہوکر 38.74 ڈالر کی ہوگئی۔
