سونے کی قیمتیں مزید بڑھنے کا خدشہ، درآمدات صفر ہوگئیں۔
دستاویز کےمطابق جون 2025 میں کسی بھی ملک سے سونا نہیں منگوایا گیا،مئی کے مقابلے جون میں سونے کی درآمدات میں 100 فیصد کمی دیکھی گئی،گزشتہ سال بھی 3 ماہ کیلئے سونے کی درآمدات صفر رہی تھیں،درآمدات نہ ہونے سے فی تولہ سونا ایک لاکھ 16 ہزار روپے تک مہنگا ہوا تھا۔
سرکاری دستاویز کےمطابق ایک سال میں سونا 2 لاکھ 41 ہزار سےبڑھ کر 3 لاکھ 57 ہزار تک ہوگیا،مئی 2025 میں سونےکی درآمدات 9 کلو ریکارڈ کی گئی تھیں،مئی کےمہینے میں سونے کا درآمدی بل 9 لاکھ 27 ہزار ڈالر ریکارڈ کیا گیا تھا۔
رپورٹ کےمطابق ایک سال کےدوران 8 ارب 78 کروڑ روپےکا سونا درآمدکیا گیا،سال 25-2024 کے دوران مجموعی طور پر 391 کلوسونا منگوایا گیا،391 کلو سونےکا درآمدی بل 3 کروڑ 8 لاکھ ڈالر سے زائد رہا، 2023-24 کے مقابلے 25-2024 میں درآمدات میں 80.94 فیصد اضافہ رہا،سال 24-2023 میں سونے کی درآمدات 262 کلو رہی تھیں۔
