راولپنڈی میں ہنی ٹریپ کے ذریعے شہریوں کو لوٹنے والا جوڑے جو گرفتار کرلیا گیا۔
ہنی ٹریپ گینگ کے خلاف سرکاری ملازم کی مدعیت میں مقدمہ درج کرلیا گیا۔ ملزمان کے خلاف درج مقدمہ میں پیکا ایکٹ کی دفعہ21 بھی شامل کی گئی۔
ملزمان ہنی ٹریپ سے شہریوں کی ویڈیوزبنا کربلیک میلنگ سے رقم وصول کرتے تھے، خاتون ملزمہ نے مدعی مقدمہ کو گھر بلاکر وڈیو بنائی، 2لاکھ روپے لے کر چھوڑا۔ ملزمان نے بلیک میل کرکے 5 لاکھ 10ہزار روپے مزید بھی وصول کیے۔
متاثرہ شہری نے ابتدائی بیان میں پولیس کو بتایا کہ ملزمان نے مزید رقم نہ ملنے پر ویڈیوز مدعی کے دوستوں کو بھجوادیں، ملزمان مدعی کے دوستوں سے بھی ہنی ٹریپ کرکے 4 لاکھ 10ہزار وصول کرچکے ہیں۔
