عالمی اور مقامی مارکیٹ میں سونے اور چاندی کی قیمت میں کئی روز کے اضافے کے بعد معمولی کمی ہوگئی۔ فی تولہ نرخ 700 روپے اور فی اونس 7 ڈالر گرگئے۔
آل پاکستان صراف اینڈ جیولرز ایسوسی ایشن سے جاری اعداد و شمار کے مطابق عالمی مارکیٹ میں فی اونس سونے کی قیمت 7 ڈالر کمی سے 3365 ڈالر پر آگئی۔
رپورٹ کے مطابق پاکستان میں سونے کی فی تولہ قیمت میں 700 روپے کی کمی ہوئی جس کے بعد نرخ 3 لاکھ 59 ہزار روپے ہوگئے، دس گرام سونا بھی 600 کمی کے بعد 3 لاکھ 7 ہزار 784 روپے کا ہوگیا۔
صراف ایسوسی ایشن کے مطابق چاندی کی فی تولہ قیمت 73 روپے کمی سے 4014 روپے اور فی اونس نرخ 0.73 ڈالر کم ہوکر 38.30 ڈالر کے ہوگئے۔
