پنجاب اسمبلی کے 26 معطل ارکان اسمبلی کے خلاف نا اہلی ریفرنسز پر اسپیکر پنجاب اسمبلی نے کارروائی شروع کر دی ۔
ترجمان کے مطابق اسپیکر کو آرٹیکل 63(2) اور 113 کے تحت معطل ارکان کے خلاف ریفرنسز موصول ہو گئے ہیں ، اسپیکر کا 26 معطل ارکان کو ذاتی سماعت کاموقع دینے کا فیصلہ کیا ہے ۔
سپیکر ملک احمد خان نے کہا کہ آئین کے آرٹیکل10A کے تحت ارکان اسمبلی کو شفاف سماعت کا حق دیا جا رہا ہے، ریفرنسز میں شامل تمام ارکان کو آئینی دائرہ کار میں مکمل دفاع کا موقع فراہم کیا جائے گا۔
ریفرنسز پر ذاتی سماعت 11 جولائی،صبح 11 بجے اسپیکر چیمبر میں ہوگی، اسپیکر آئین کے تحت 30 روز میں نااہلی ریفرنسز پر فیصلہ کرنے کے پابند ہیں ۔
