نانگا پربت سر کرنے کی مہم کے دوران چیک ری پبلک سے تعلق رکھنے والی ایک 47 سالہ خاتون کوہ پیما آکسیجن سلنڈر پھٹنے کے باعث جاں بحق ہوگئیں۔
ذرائع کے مطابق یہ واقعہ بونر بیس کیمپ کے قریب پیش آیا اور خاتون ایک سات رکنی گروپ کا حصہ تھیں جو نانگا پربت پر ٹریکنگ کے لیے آئی تھیں۔
حادثے کے بعد ان کی لاش کو چلاس اسپتال منتقل کیا جائے گا۔
نانگا پربت، جو دنیا کی نویں بلند ترین چوٹی ہے، اپنی خطرناک چڑھائیوں اور سخت حالات کی وجہ سے "قاتل پہاڑ" کے نام سے بھی مشہور ہے۔
اس سے قبل بھی کئی کوہ پیما اسے سر کرنے کی کوشش میں جان کی بازی ہار چکے ہیں۔
