احمد پور شرقیہ میں انتہائی افسوسناک واقعہ رونما ہوا، طالبات سے بھری وین کا سلنڈر پھٹنے سے آگ لگ گئی ۔
تفصیلات کے مطابق احمد پور شرقیہ میں ٹول پلازہ کے قریب گیس لیکج کے باعث وین میں آگ بھڑک اٹھی جس کے باعث ایک طالبہ جاں بحق جبکہ 10 زخمی ہو گئیں ، زخمی ہونے والی طالبات میں سے 5 کو نشتر ہسپتال کے برنز یونٹ میں منتقل کر دیا گیاہے ، وین میں 19 طالبات سوار تھیں جو امتحان دینے لیاقت پور سے آئیں تھی اور واپس جارہی تھیں۔
حادثے میں جاں بحق ہونے والی طالبہ کی شناخت 19 سالہ طیبہ عباس کے نام سے ہوئی ہے ۔ زخمی ہونے والی طالبات میں سے ماریہ 58 فیصد جھلس گئیں ہیں، اوجالا75 فیصد،ثناء کوثر 40 فیصد،مشعال 35 فیصد جبکہ ثناء رمضان 37 فیصد جھلس گئیں۔ ڈاکٹرز کا کہناہے کہ حادثے کا شکار ہونے والی 5 طالبات میں سے 2 کی حالت تشویشناک ہے۔
