متحدہ عرب امارات میں یو اے ای درہم کے مقابلے میں پاکستانی روپیہ اور بنگلہ دیشی ٹکے کے نرخ مستحکم رہے جبکہ بھارتی روپے کی قدر گرگئی۔
عرب میڈیا کے مطابق 8 نومبر کو پاکستانی روپے کے مقابلے میں یو اے ای درہم 78 روپے پر مستحکم رہا۔
رپورٹس کے مطابق اب ایک ہزار پاکستانی روپے میں 12.82 درہم ملیں گے، گزشتہ تین روز کے دوران پاکستانی کرنسی کی قدر میں ایک روپے کی کمی واقع ہوچکی ہے۔
رپورٹ کے مطابق بھارتی روپے کی قدر گر گئی، امارتی درہم 2 پیسے اضافے سے 22.58 روپے کا ہوگیا بنگلہ دیشی ٹکا 30.05 ٹکے پر مستحکم ہے۔
واضح رہے کہ اسٹیٹ بینک کے مطابق آج انٹربینک میں امریکی ڈالر کی قیمت میں مزید 51 پیسے کا اضافہ ہوگیا، جس سے انٹربینک میں ڈالر286 روپے 39 پیسے پر جاپہنچا۔ دوسری جانب اوپن مارکیٹ میں ڈالر ایک روپے مہنگا ہوکر 288 روپے کا ہوگیا۔
