وزیراعلیٰ خیبرپختونخوا کی ہدایت پر ناقص کارکردگی کے باعث متعدد انتظامی افسران کو معطل کر دیا گیاہے ۔
تفصیلات کے مطابق ترجمان وزیراعلیٰ فراز مغل نے کہاہے کہ وزیراعلی انسپیکشن ٹیم کو باقاعدہ انکوائری کی ہدایات جاری کر دی گئی ہے ، ابتدائی طور پر اسسٹنٹ کمشنر بابوزئی کو سست ردعمل پر معطل کردیا گیا ہے ، اسسٹنٹ کمشنر خوازہ خیلہ بروقت پیشگی وارننگ نہ دینے پر معطل کیے گئے ہیں، اے ڈی سی ریلیف کو پیشگی انتظامات نہ کرنے پر معطل کر دیا گیا اور ریسکیو 1122 کے ضلعی انچارج کو بھی فوری معطل کرنے کا فیصلہ کیا گیاہے ۔
