مشرقِ وسطی میں جاری کشیدگی اور ایران اسرائیل جنگ میں شدت آنے کے بعد پاکستان میں روپے کے مقابلے میں امریکی ڈالر کی قیمت میں تیزی سے اضافہ ہونے لگا۔
کرنسی ڈیلرز کے مطابق مشرق وسطی میں جاری جنگ کے باعث پاکستان میں امپورٹرز نے ایل سیز کے لیے ملکی کرنسی کے مقابلے میں امریکی ڈالر کی طلب بڑھا دی ہے۔
سٹیٹ بینک آف پاکستان کی سماجی رابطے کی ویب سائٹ ایکس پر جاری کردہ اعداد و شمار کے مطابق کاروباری ہفتے کے پہلے انٹربینک میں روپے کے مقابلے میں امریکی ڈالر کی قدر میں 17 پیسے کا اضافہ دیکھا گیا ہے۔
Interbank closing #ExchangeRate for todayhttps://t.co/O9gnFN8Lsb#sbpexchangerate pic.twitter.com/Qmy50nGIdl
— SBP (@StateBank_Pak) June 23, 2025
مرکزی بینک کے اعداد و شمار کے مطابق امریکی کرنسی کی نئی قیمت 283 روپے 87 پیسے ہو گئی ہے۔
دوسری جانب ای کیپ کے مطابق پیر کے روز اوپن مارکیٹ میں ڈالر 15 پیسے بڑھکر 285 روپے 89 پیسے کا ہوگیا۔
