اسلام آباد ہائی کورٹ نے آئندہ ہفتے کا ججز ڈیوٹی روسٹر جاری کردیا،آئندہ ہفتے6 ڈویژن اور11سنگل بینچ دستیاب ہوں گے۔
قائم مقام چیف جسٹس کی منظوری کے بعدرجسٹرارآفس نےروسٹرجاری کیا،ججز ڈیوٹی روسٹر کے مطابق جسٹس بابرستارچھٹیوں کےبعد واپس آگئے،سینئرپیونی جج جسٹس محسن اخترکیانی آئندہ ہفتے بھی کسی ڈویژن بنچ کا حصہ نہیں ہوں گے،پہلا ڈویژن بینچ قائم مقام چیف جسٹس سرفرازڈوگر اور جسٹس محمد آصف پرمشتمل ہوگا۔
دوسرا ڈویژن بینچ جسٹس طارق محمود جہانگیری اور جسٹس ثمن رفعت امتیاز پر مشتمل ہوگا،تیسرے ڈویژن بینچ میں جسٹس بابرستار اورجسٹس سردار اعجاز اسحاق خان شامل ہیں،جسٹس بابرستار کی سربراہی میں تیسرا ڈویژن بینچ صرف 23 سے25 جون تک دستیاب ہوگا،چوتھے ڈویژن بینچ میں جسٹس ارباب محمد طاہر اور جسٹس انعام امین منہاس شامل ہیں۔
پانچواں ڈویژن بینچ جسٹس خادم حسین سومرو اور جسٹس محمد اعظم خان پرمشتمل ہوگا،خصوصی ڈویژن بینچ میں جسٹس محمد اعظم خان اور جسٹس انعام امین منہاس شامل ہوں گے۔
