پاکستان کے ڈالر ریزرو 39 ماہ بعد ایک بار پھر 17 ارب ڈالر سے تجاوز کرگئے جبکہ ایک ہفتے میں ملکی زرمبادلہ ذخائر میں 13 کروڑ ڈالر کا اضافہ ہوا ہے۔
اسٹیٹ بینک آف پاکستان ( ایس بی پی ) کی جانب سے جاری کردہ اعدادو شمار کے مطابق پاکستان کے ڈالر ذخائر کا مجموعی مالی حجم 17 ارب 45 لاکھ ڈالر ہوگیا ہے اور مرکزی بینک کے ڈالر ریزرو 4 کروڑ 63 لاکھ ڈالر بڑھ کر 11 ارب 72 کروڑ 19 لاکھ ڈالر ہوگئے۔
بینکوں کے ڈالر ڈیپازٹس 8 کروڑ 32 لاکھ ڈالر بڑھ کر 5 ارب 28 کروڑ 26 لاکھ ڈالر ہوگئے ہیں۔
ماہرین کے مطابق اسٹیٹ بینک کی کھلی مارکیٹ سے مسلسل ڈالر خریداری سے زرمبادلہ ذخائر مستحکم ہوئے جبکہ ترسیلات زر اور برآمدات بڑھنے، آئی ایم ایف و دیگر انفلوز سے بھی زرمبادلہ ذخائر بڑھے۔
مرکزی بینک کے ڈالر ریزرو 65 دن کی درآمدات کے برابر ہیں۔
رواں مالی سال کے 11 ماہ میں ملکی زرمبادلہ ذخائر میں 2 ارب 88 کروڑ ڈالر کا اضافہ ہوا۔
زرمبادلہ ذخائر بڑھنے سے ادائیگیوں کا توازن بہتر اور روپے کی قدر مستحکم ہوگی۔
