وزیردفاع خواجہ آصف کا کہنا ہے کہ فیلڈ مارشل عاصم منیر اور امریکی صدر ڈونلڈ ٹرمپ کی ملاقات پاک امریکا تعلقات میں ایک سنگ میل ہے۔ ماضی میں ایسی دعوت اور ملاقات کی کوئی مثال موجود نہیں۔
سوشل میڈیا پلیٹ فارم ایکس پر ایک پیغام میں خواجہ آصف کا مزید کہنا تھا یہ ملاقات پاک امریکا تعلقات کی 78 سال کی تاریخ کا سب سے اہم موڑ ہے ۔ بین الاقوامی اور خطے کے معاملات زیر بحث آئے، پاکستان کی اہمیت اجاگر ہوئی۔
وزیردفاع خواجہ آصف نے کہا کہ ملاقات میں تسلیم کیا گیا کہ پاکستان معاملات کو حل کرنے میں مدد کرسکتا ہے۔ پاک بھارت تنارعات کی بین الاقوامی حیثیت دوبارہ اجاگر ہوگئی۔
وزیر دفاع نے کہا یہ ملاقات حکمرانی کے موجودہ ہائبرڈ ماڈل کی کامیابی ہے۔ معیشت بحالی، بھارت کو شکست اور امریکا سے تعلقات میں بہتری کی انقلابی تبدیلیاں وزیراعظم اور فیلڈ مارشل کے تعاون اور بہترین تعلق سے ممکن ہوئیں ۔ اللہ ہم سب کو ذاتی اور گروہی مفادات سے بالا ہوکر قوم کی خدمت کی توفیق دے۔
