عالمی اور مقامی مارکیٹ میں ہفتے کے پہلے ہی روز سونے کی قیمت میں کمی ہوگئی، فی اونس 18 ڈالر اور فی تولہ 700 روپے سستا ہوگیا۔
آل پاکستان صراف اینڈ جیولرز ایسوسی ایشن سے جاری اعداد و شمار کے مطابق عالمی مارکیٹ میں سونے کی فی اونس قیمت میں 18 ڈالر کی کمی ہوئی جس کے بعد نرخ 3414 ڈالر پر آگئے۔
مقامی مارکیٹ میں بھی سونے کی فی تولہ قیمت 700 روپے کی کمی سے تین لاکھ 62 ہزار 300 روپے اور دس گرام 600 روپے سستا ہوکر تین لاکھ 10 ہزار 613 روپے کا ہوگیا۔
صراف ایسوسی ایشن کے مطابق عالمی اور مقامی مارکیٹ میں چاندی کی کی قیمت برقرار ہے۔
واضح رہے کہ گزشتہ ہفتے کے دوران سونے کی قیمت میں ہزاروں روپے کا اضافہ ہوا تھا۔
