وزیراعظم شہباز شریف جمعرات کو متحدہ عرب امارات کا سرکاری دورہ کریں گے۔
متحدہ عرب امارات(یو اے ای) کےاس دورے کے دوران وزیراعظم میاں محمد شہباز شریف کی ملاقات یو اے ای کے صدر شیخ محمد بن زاید النہیان سے متوقع ہے،جس میں اہم دوطرفہ، علاقائی اور عالمی امور پر تبادلہ خیال کیا جائے گا۔
وزیراعظم میاں محمد شہباز شریف کے ہمراہ نائب وزیراعظم، وفاقی وزراء اور دیگر اعلیٰ حکام بھی وفد میں شامل ہوں گے۔ ابوظہبی میں ہونے والی ملاقات میں دونوں رہنما باہمی دلچسپی کے امور، علاقائی سلامتی اور عالمی صورتحال پر گفتگو کریں گے۔
ابوظہبی میں ہونے والےدورے کے دوران سرمایہ کاری، معاشی تعاون اور دونوں ممالک کے درمیان تعلقات کو مزید وسعت دینے پر بھی بات چیت کی جائے گی۔
