راولپنڈی کے علاقے درکالی سیداں میں فائرنگ سے والد دو بیٹوں سمیت جاں بحق ہوگئے۔ ابتدائی اطلاعات کے مطابق افسوسناک واقعہ دیرینہ دشمنی کا نتیجہ ہے۔
ایس ایچ او تھانہ جاتلی کے مطابق فائرنگ سے جاں بحق ہونے والوں میں مشتاق شاہ اور اس کے دو بیٹے شامل ہیں۔ دو افراد موقعہ پر ہی جاں بحق ہوئے جبکہ تیسرا زخمی دوران علاج اسپتال میں دم توڑ گیا۔
واقعہ بظاہر سابقہ دشمنی کی وجہ سے پیش آیا۔ ابتدائی طور پر دو افراد زیرحراست ہیں۔ سی پی او نے نوٹس لے کر ایس پی صدر کو موقع پر پہنچنے اور ملزمان کی فوری گرفتاری کی ہدایت کر دی۔
