وزیراعظم شہباز شریف نے ترکیہ کے صدر رجب طیب اردوان سے ٹیلی فونک گفتگو کرتے ہوئے عید الاضحیٰ کی مبارکباد دی اور ترک عوام و حکام کے لیے نیک خواہشات کا اظہار کیا ہے۔
شہباز شریف نے پاک، بھارت جنگ کے دوران ترکیہ کی غیرمتزلزل حمایت پر صدر اردوان اور ترک قوم کا شکریہ ادا کیا۔
دونوں رہنماؤں نے گزشتہ ملاقاتوں میں طے شدہ فیصلوں پر عملدرآمد کو یقینی بنانے پر اتفاق کیا اور باہمی مفادات کے تحفظ کے لیے ایک دوسرے کی غیرمتزلزل حمایت کے عزم کا اعادہ کیا۔
گفتگو کے دوران غزہ کی صورتحال سمیت علاقائی اور عالمی امور پر بھی تبادلہ خیال ہوا۔
ترک صدر رجب طیب اردوان نے عید الاضحیٰ پر نیک خواہشات کے لیے وزیراعظم شہباز شریف کا شکریہ ادا کیا۔
دونوں رہنماؤں نے پاک، ترکیہ تعلقات کو مزید مضبوط کرنے کے عزم کا اظہار کیا۔
