وزیراعظم شہباز شریف نے عمان کے سلطان ہیثم بن طارق سے رابطہ کرکےعید الاضحیٰ کی مبارکباد دی۔ عمان کے سلطان نے دورہ پاکستان کی دعوت بھی قبول کرلی۔
وزیراعظم شہباز شریف نےعمان کے سلطان ہیثم بن طارق کو ٹیلی فون کرکے عید کی مبارک دی،دونوں رہنماؤں نے امت مسلمہ کے اتحاد و ہم آہنگی اورغزہ کےعوام کیلئے خصوصی دعا بھی کی۔۔
وزیراعظم نے حالیہ پاک بھارت جنگ کےدوران عمان کے مؤقف پرسلطان ہیثم کا شکریہ ادا کیا۔ کشیدگی میں کمی اور مذاکرات کیلئے حمایت کو بھی سراہا،سلطنت عمان کے ساتھ تمام شعبوں میں دوطرفہ تعاون مزید مضبوط بنانے پر زور دیا۔
دونوں رہنماؤں کے درمیان باہمی دوروں کی دعوت کا تبادلہ بھی ہوا۔ عمان کے سلطان نے دورہ پاکستان کی دعوت قبول کرلی،دونوں دورے باہمی طور پر سفارتی ذرائع سے مناسب تاریخوں پر ہوں گے۔
