وزیراعلیٰ سندھ مراد علی شاہ کا کہنا ہے کہ بجٹ میں تنخواہ دار طبقے کو ریلیف دیا جائے گا۔ سندھ کا بجٹ13 جون کو صوبائی اسمبلی میں پیش کیا جائے گا۔
سیہون میں میڈیا سے گفتگو میں وزیراعلیٰ سندھ مراد علی شاہ نے کہا کہ مہنگائی کے باعث عوام پر بوجھ بڑھ گیا ہے، بجٹ میں تنخواہ دار طبقے کو ریلیف دیا جائے گا، وفاق سے حتمی اعدادوشمار کے بعد تنخواہیں بڑھانے کا فیصلہ کریں گے۔
مراد علی شاہ نے کہا کہ کسی ایک شخص کے جیل میں ہونے پر تحریک نہیں چلائی جاتی، عوامی مسائل بہت ہیں، ایک معاملے پر تحریک چلائیں گے تو وہ ناکام ہوگی، عوامی مسائل پر وہ بات نہیں کرتے۔ پی ٹی آئی والوں کو عدالتوں پرتوجہ دینی چاہیے، وہاں کیسز کو مضبوط کرنا چاہیے۔
وزیراعلیٰ سندھ نے کہا کہ سیلاب متاثرین کیلئے 21 لاکھ گھروں میں سے10لاکھ گھر مکمل ہوچکے، بلاول بھٹو کی ہدایت پر صاف پانی، سولر انرجی پرخاص توجہ دے رہے ہیں۔
