چیئرمین پیپلزپارٹی بلاول بھٹو زرداری کا کہنا ہے کہ پاکستان اور بھارت کے درمیان کوئی مذاکرات کروا سکتا ہے تو وہ صدر ٹرمپ ہیں۔
امریکی چینلز نیوز میکس اور سی بی ایس کو انٹرویو بلاول بھٹو نے کہا کہ پاکستان اور بھارت کو صرف صدر ٹرمپ ہی مذاکرات کی میز پر بیٹھا سکتے ہیں۔ بات چیت ہوگئی تو کشمیر، دہشت گردی اور پانی سمیت تمام مسائل زیر بحث آئیں گے۔
چیئرمین پیپلزپارٹی بلاول بھٹو زرداری نے کہا کہ پاکستان بات کرنے کیلئے تیار ہے لیکن بھارت کو بلوچستان میں دہشت گردوں کی پشت پناہی چھوڑنی ہوگی۔
قبل ازیں سی بی ایس کو انٹرویو دیتے ہوئے بلاول بھٹو نے کہا کہ مودی سرکار دہشت گردی کے نام پر مسلمانوں اور پاکستان کو بدنام کرنے کی پالیسی پر گامزن ہے۔
دوسری جانب سابق وزیرخارجہ بلاول بھٹو نے بلاول بھٹو نے جنگ بندی میں کردار ادا کرنے پر صدر ٹرمپ کا شکریہ ادا کیا اور امریکی صدر کو جامع پاک بھارت مذاکرات کیلئے ثالثی کا وعدہ یاد دلایا۔
بلاول بھٹو نے کہا کہ بھارت کے ساتھ کسی غیر جانبدار مقام پر تمام متنازعہ امور پر بات چیت کے لیے تیار ہیں، پاکستان امن کیلئے تیار ہے، بھارت کو ایک قدم آگے بڑھنے کی ضرورت ہے، جنوبی ایشیا میں مستقل امن کے صدر ٹرمپ کے وژن کو عملی جامہ پہنانے کے منتظر ہیں۔
