مناسک حج کا آغاز ہوگیا، مکہ مکرمہ میں نمازفجر کی ادائیگی کے بعد عازمین کی منیٰ روانگی شروع ہوگئی۔
سعودی حکام کے مطابق عازمین کو خصوصی بسوں اور ٹرینوں کے ذریعے منیٰ پہنچایا جارہا ہے۔ 20 لاکھ سے زائد عازمین آج منی کی خیمہ بستی میں قیام کریں گے۔ دن میں عبادات اور رات کو خیموں میں قیام کریں گے۔
عازمین 9 ذوالحجہ کی صبح میدان عرفات کیلئے روانہ ہوں گے، جہاں حج کا رکن اعظم وقوف عرفہ ادا کیا جائےگا۔ خطبہ جج سننے کے بعد عازمین ظہراورعصرکی نمازیں ایک ساتھ ادا کریں گے۔
غروب آفتاب کے بعد مزدلفہ کے لیے روانہ ہوں گے، مزدلفہ پہنچ کرعازمین کھلے آسمان تلے رات گزاریں گے۔ رات بھر عبادات کیساتھ رمی جمرات کیلئے کنکریاں جمع کی جائیں گی ۔ 10 ذوالحجہ کومنیٰ پہنچ کربڑے شیطان کو کنکریاں ماری جائیں گی، جس کے بعد عازمین قربانی اوربال کٹوانے کے بعد احرام کھول دیں گے۔
