کراچی کے مختلف علاقوں میں ایک بار پھر زلزلے کے جھٹکے محسوس کیے گئے۔
زلزلے کے جھٹکے لانڈھی، شیرپاؤکالونی، پورٹ قاسم اور اطراف میں محسوس کیے گئے، ملیر، قائدآباد اور اطراف میں بھی زلزلے کے جھٹکے محسوس کیے گئے۔ شہری گھروں اور دفاتر سے باہر آگئے۔
زلزلہ پیما مرکز کے مطابق زلزلے کا مرکز قائد آباد کے قریب تھا، زلزلے کی شدت 3.2 محسوس کی گئی۔ زلزلے کے جھٹکے معمولی نوعیت کے ہیں۔
خیال رہے کہ سندھ کے دارالحکومت کراچی میں رات گئے بھی مختلف علاقوں میں زلزلے کے جھٹکے محسوس کیے گئے۔ زلزلے کے جھٹکے کھوکھراپار اور ملیر کے مختلف علاقوں میں محسوس کئے گئے۔ لانڈھی، قائد آباد، فیوچر موڑ، گل احمد، اسپتال چورنگی کے علاقوں میں بھی زلزلے کے جھٹکے محسوس کیے گئے۔
زلزلہ پیما مرکز کے مطابق زلزلے کی شدت تین اعشاریہ دو جبکہ گہرائی 12 کلومیٹر ریکارڈ کی گئی۔ زلزلہ ایک بج کر 6 منٹ پرآیا۔ مرکز گڈاپ ٹاؤن کے قریب تھا۔
زلزلے کے باعث لوگوں خوفزدہ ہوکر گھروں سے باہرنکل آئے۔ زلزلے کے نتیجے میں کسی جانی یا مالی نقصان کی کوئی اطلاع موصول نہیں ہوئی۔
واضح رہے کہ گزشتہ روز بھی کراچی میں زلزلے کے جھٹکے محسوس کئے گئے تھے۔ زلزلہ پیما مرکز کے ریکٹر اسکیل پر زلزلے کی شدت 3.6 ریکارڈ کی گئی ہے۔ زلزلے کی گہرائی 10 کلو میٹر ریکارڈ کی گئی جبکہ زلزلے کا مرکز کراچی کے علاقے قائد آباد کے نزدیک تھا۔
