عالمی اور مقامی گولڈ مارکیٹس میں سونے کی قیمت میں مسلسل دوسرے روز بھی نمایاں کمی ریکارڈ کی گئی ہے۔
تفصیلات کے مطابق عالمی منڈی میں فی اونس سونا 36 ڈالر کی کمی کے بعد 3295 ڈالر پر آ گیا ہے، جبکہ پاکستان میں بھی سونے کی قیمت میں نمایاں کمی دیکھنے میں آئی۔
ملک بھر میں 24 کیرٹ فی تولہ سونے کی قیمت 3600 روپے کمی کے بعد 3 لاکھ 47 ہزار 900 روپے ہو گئی۔ اسی طرح دس گرام سونے کی قیمت میں 3086 روپے کمی ہوئی جس کے بعد نئی قیمت 2 لاکھ 98 ہزار 268 روپے مقرر کی گئی ہے۔
مارکیٹ ذرائع کے مطابق سونے کی قیمت میں کمی کی وجہ عالمی مالیاتی دباؤ، ڈالر کی قدر میں اتار چڑھاؤ اور سرمایہ کاروں کی محتاط پالیسی ہے۔ ماہرین کے مطابق آئندہ دنوں میں بھی قیمتوں میں مزید ردوبدل کا امکان ہے۔
