صدر مملکت آصف علی زرداری کا کہنا ہے کہ پاکستان ہے تو تمام سیاسی جماعتیں ہیں، پیپلزپارٹی سمیت تمام جماعتیں اپنی افواج کے ساتھ کھڑی ہوئیں۔ پاکستان کیخلاف جارحیت پر بھارت کومنہ کی کھانا پڑی۔
لاہور میں گورنر پنجاب کی قیادت میں پیپلزپارٹی اٹک کے ٹکٹ ہولڈرز سے ملاقات میں صدر مملکت نے کہا کہ پیپلزپارٹی سمیت تمام جماعتیں اپنی افواج کے ساتھ کھڑی ہوئیں، پیپلزپارٹی نے ہمیشہ ملک اور جمہوریت کی خاطر قربانیاں دیں ہیں۔
صدر مملکت کا کہنا تھا کہ پیپلزپارٹی پنجاب میں متحرک اور فعال ہو گئی ہے، پیپلزپارٹی مزدوروں، محنت کشوں، سرکاری ملازمین اور پیسے طبقے کی جماعت ہے۔
گورنر پنجاب سلیم حیدر نے کہا بلاول بھٹو عوامی مینڈیٹ سے ملک کے آگلے نوجوان وزیراعظم ہوں گے۔ وفد نے صدر مملکت کو اٹک کے دورے کی دعوت بھی دی۔
