سونے کی قیمت میں ایک دن بعد ہی بڑا اضافہ ہوگیا، سونے کی فی تولہ قیمت 3500 روپے اور فی اونس 35 ڈالر بڑھ گئی۔
آل پاکستان صراف اینڈ جیولرز ایسوسی ایشن کے مطابق انٹرنیشنل مارکیٹ میں سونے کی قیمت 35 ڈالر اضافے سے 3326 ڈالر کا ہوگیا۔
رپورٹ کے مطابق پاکستان میں 24 قیراط فی تولہ سونا 3500 روپے اضافے کے بعد ایک بار پھر ساڑھے 3 لاکھ روپے کی سطح سے اوپر چلا گیا، نرخ 3 لاکھ 51 ہزار روپے ہوگئے۔
ایسوسی ایشن سے جاری اعداد و شمار کے مطابق دس گرام سونے کے بھاؤ 3000 روپے بڑھ کر 3 لاکھ 925 روپے پر آگئے۔
صراف ایسوسی ایشن کے مطابق چاندی کی قیمت میں بھی اضافہ ہوگیا، فی تولہ چاندی 38 روپے بڑھ کر 3466 روپے اور فی اونس قیمت 0.38 ڈالر اضافے سے 33.08 ڈالر ہوگئی۔
