سابق بھارتی وزیر خارجہ یشونت سنہا نے آپریشن سندور کی ناکامی پر نریندرمودی، امت شاہ ، جے شنکر اوراجیت دووال سے سفارت کاری اور انٹیلیجنس کی ناکامی پر مستعفی ہونے کا مطالبہ کر دیا۔
سابق بھارتی وزیر خارجہ نے کہا مودی حکومت گودی میڈیا کے ذریعے آپریشن سندور کی ناکامی چھپانے کیلئے گمراہ کن پروپیگنڈا کر رہی ہے ۔ تباہ ہونے والے طیاروں کی اصل تعداد چھپا کر قوم کو گمراہ کیا جا رہا ہے ۔ مودی حکومت آپریشن سندور کو بہار الیکشن اور سیاسی فائدے کیلئے استعمال کرے گی ۔
یشونت سنہا کا مزید کہنا تھا آپریشن سندور کی ناکامی پر سوال کرنے والا آج بھارت میں غدار کہلاتا ہے ۔ عوام کو حقائق بتانے کی بجائے مودی سرکار مکمل خاموش ہے ۔ مودی نے آل پارٹی اجلاس کو نظر انداز کر کے بہار میں سیاسی بیانات دینے کو ترجیح دی ۔ مودی اور بی جے پی پروپیگنڈا اور جھوٹ پر مبنی سیاست کر رہے ہیں۔
