پاکستان مسلم لیگ ن(نواز) کے سربراہ میاںشہباز شریف نے مسلم لیگ ن کے سینئر رہنماء و سینیٹر اسحاق ڈار کوملک میںہونے والے عام انتخابات میں مسلم لیگ ن کے الیکشن سیل کا چیئرمین مقرر کر دیا۔
رپورٹس کے مطابق مسلم لیگ ن کی ترجمان مریم اورنگزیب نے اپنے سوشل میڈیا اکاؤنٹ ایکس پر نوٹیفیکیشن کی تصویر کیساتھ پوسٹ کرتے بتایا کہ صدرن لیگ شہبازشریف نے سینیٹراسحاق ڈار کوالیکشن سیل کاچیئرمین مقررکردیا ہے۔
پاکستان مسلم لیگ (ن) کے صدر جناب شہباز شریف نے سینیٹر اسحاق ڈار کو پارٹی کے الیکشن سیل کا چئیرمن مقرر کر دیا ہے۔پارٹی سیکریٹری جنرل احسن اقبال @betterpakistan نے نوٹیفیکیشن جاری کر دیا ہے۔ سینیٹر اسحاق ڈار صاحب @MIshaqDar50 کو الیکشن سیل کا سربراہ بنانے سے مسلم لیگ (ن) کی… pic.twitter.com/RGHpw8MXjM
— Marriyum Aurangzeb (@Marriyum_A) November 4, 2023
مسلم لیگ ن پارٹی کے سیکریٹری جنرل احسن اقبال نے نوٹیفکیشن جاری کردیا ہےانہوں نے مزید لکھا کہ سینیٹر اسحاق ڈار کو الیکشن سیل کا سربراہ بنانے سے انتخابات سے متعلق سرگرمیوں میں مزید تیزی آئے گی پارٹی ٹکٹ کے لئے درخواستوں کی وصولی، انتخابی ضابطوں کی نگرانی سمیت تمام متعلقہ امور کو تیزی سے مکمل کیا جائے گا۔
انہوں نے ایکس سوشل میڈیا پوسٹ پر لکھا کہ سینیٹر اسحاق ڈار پارلیمنٹ سے منظور شدہ الیکشن ایکٹ 2017 کو تیار کرنے والی پارلیمانی کمیٹی کے بھی سربراہ تھے۔
