امریکا کی دو ریاستوں میں شدید طوفان نے تباہی مچادی۔ مختلف حادثات میں 21 افراد ہلاک ہوگئے۔
غیرملکی میڈیا کے مطابق ریاست کینٹکی اور میزوری میں شدید طوفان سے گھروں کی چھتیں اڑگئیں۔ 5 ہزار سے زائد عمارتوں کو نقصان پہنچا۔
علاقوے میں لکڑی سے بنے مکانات ملبے کا ڈھیربن گئے۔ درخت جڑوں سے اُکھڑ گئے اور درجنوں گاڑیاں تباہ ہوگئیں۔ طوفانی بگولے نے بجلی کا نظام بھی درہم برہم کردیا۔ 3 لاکھ سے زائد صارفین بجلی سے محروم ہیں۔





















